sunny girl SPM
تاريخ الميلاد : 09/08/1989 العمر : 34 شفيعي : الانبا كاراس وتماف ايرينى
عدد الرسائل : 4310
تاريخ التسجيل : 25/09/2007
| موضوع: الفرق بين باباكى وجوزك الخميس 10 يوليو 2008, 1:09 am | |
| مع بابا.. دخلتى المطبخ ما دخلتيش .. كله واحد وممكن باباكى يساعدك انما مع جوزك ..مش بمزاجك .. ها تدخلى .. هاتدخلى
مع بابا .. فى العيد بيديلك العيديه وفوقيها بوسه .. لكن مع جوزك .. بيقول انت خلاص كبرتى على الحاجات دى
مع بابا.. بتنامى وتصحى وقت ما انتى عايزه .. مع جوزك .. وقت ماهو عايز .. او مع مواعيد شغله.
مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب
مع بابا لو حصل حاجه مثلا و كنتى زعلانه .. بيزعل عشانك .. مع جوزك .. بيزعل منك .. ويلومك ازاى تزعلى اصلا
باباكى .. كلمه حلوه ترضيه .. وجوزك .. طول الليل تحايلى فيه
باباكى وانتى عيانه .. سهران جنبك طول اليوم انما جوزك بيروح ينام فى الاوضه التانيه.
بابا .. لما تدلعى عليه .. بيفرح بيكى انما جوزك .. بيقولك ..اكيد عايزه حاجه
باباكى.. لما تقولى له .. ده حصل كذا وكذا .. بيهتم ويصدقك انما جوزك ... بيقولك .. الموضوع دا وراه ان .. ويشك فى كلامك
بابا .. لو شافك بتعيطى ها يمسح دمعتك انما جوزك .. ها يقولك يادى النكد
مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص لكن جوزك .. ها يقولك شكلك زى عروسة المولد
مع بابا .. لو طلبتى دوا من الصيدليه . جرى ها ينزل يجيبه لكن جوزك ها يسالك بكام الأول؟
بابا .. لو طلب منك كوباية ميه .. بيقولك لو سمحتى عايز ميه انما الباشا يقولك قومى هاتى ميه
لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه لكن المحروس .. مافيش قدامك غير يا الاخبار يا الكوره .. يا ميلودى
بابا لو نازل مشوار .. بيعمل ليكى اعتبار ويديكى خبر لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه
لو محتاجه فلوس فى حاله طارئه .. بابا ها يديكى من عينيه لكن جوزك .. ها يقولك خدى من بابا
لو جالك مكالمه غلط على موبايلك.. بابا ها يقولك حصل خير لكن جوزك .. ها يتهمك بالخيانه ...
لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه لكن جوزك ها يقول معلش انا لازم ابلع او ها يقسمها معاكى
لو اتزحلقتى على الارض ..باباكى ها يجرى يشيلك جوزك ها يقعد يضحك ويقولك ما انتى اللى مش منشفه الارض كويس
لو نفسك تغيرى مكان السجاده ..باباكى ها يقوللك عنك دى تقيله عليكى لكن جوزك ها يقولك مش ضرورى وجع القلب دا
لو العربيه عطلت بيكى .. بابا... ها يقولك اقفليها وتعالى وانا ها اتصرف جوزك .. ها يقولك متركبيش العربيه تانى
لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله انما جوزك .. ها يقولك انتى اللى ماشيه مش محترمه
لو مقدمه على شغل ..باباكى.. ها يوصى عليكى طوب الارض لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره
باباكى لو لاحظ انك متخانقه مع اختك .. ها يصالحكوا على بعض لكن جوزك هيقولك خليهم يولعوا دول عيله عجب
مهما باباكى كان متضايق .. لا يمكن تكلميه وتلاقيه مكشر لكن جوزك.. لو متضايق .. مصر كلها هتنكد عليكي استحملى بقى | |
|
nana SPM
تاريخ الميلاد : 01/03/1986 العمر : 38 كنيسة : العذراء والملاك بالخلفاوى
آيه احبها : كن مطمئنا جدا جدا ولا تفكر فى الامر كثيرا بل دع الامر لمن بيدة الامر شفيعي : العذراء ام النور ابونا عبد المسيح وتماف ايرينى
عدد الرسائل : 2913
تاريخ التسجيل : 28/03/2008
| موضوع: رد: الفرق بين باباكى وجوزك الخميس 10 يوليو 2008, 3:53 am | |
| هههههههههههههههههههههههههههههههههههههههههههههه فعلا يا امل بجد الواحد عمرة ما فكر كدة وبالطريقة دى وبجد ربنا يخلى لنا الاب ولا يحرمناش منة ويارب يبعد عننا الازواج الى بالطريقة دى وانا قولت البنت مالهاش غير بيت ابوها يحميها ويخت\اف عليها مصدقونيش اهو جية الموضوع الى يثبت الى بقولة ميرسى يا امل وربنا يخبى لنا اهلينا ويرحمنا بجد الموضوع عجبنى | |
|
sunny girl SPM
تاريخ الميلاد : 09/08/1989 العمر : 34 شفيعي : الانبا كاراس وتماف ايرينى
عدد الرسائل : 4310
تاريخ التسجيل : 25/09/2007
| موضوع: رد: الفرق بين باباكى وجوزك الخميس 10 يوليو 2008, 11:01 am | |
| ميرسى نانا لردك ومرورك وفعلا البنت ملهاش غير بيت ابوها | |
|
scorpion2000 SPM
تاريخ الميلاد : 25/02/1989 العمر : 35 كنيسة : السيدة العذراء والبابا كيرلس
الوظيفة : طالب بكلية تجارة جامعة عين شمس
آيه احبها : كن مطمئن جداً جدا ولا تفكر فى الامر كثيراً بل دع الامر لمن بيدة الامر شفيعي : البابا كيرلس
عدد الرسائل : 3599
تاريخ التسجيل : 22/11/2007
| موضوع: رد: الفرق بين باباكى وجوزك الإثنين 26 يناير 2009, 9:21 pm | |
| اعترض وبشدة لا احنا مش كده دا ظلم وحرام بجد انتوا ظلمين الرجالة دا احنا طيبين وقلبنا ابيض وعيال وعايزين اللى ياخدنا على قد عقلنا وانا عن نفسى هعمل معاها اكتر من اللى بيعمله ابوها لانى بحبها بس ياريت هى تحبنى قد ما بحبها وبلاش النظرة السودة دى وخصوصا قبل الجواز بدل ما تتعقدوا وعايز اقول البت ملهاش غير بيت جوزها وميرسى امل على الموضوع | |
|
nana SPM
تاريخ الميلاد : 01/03/1986 العمر : 38 كنيسة : العذراء والملاك بالخلفاوى
آيه احبها : كن مطمئنا جدا جدا ولا تفكر فى الامر كثيرا بل دع الامر لمن بيدة الامر شفيعي : العذراء ام النور ابونا عبد المسيح وتماف ايرينى
عدد الرسائل : 2913
تاريخ التسجيل : 28/03/2008
| موضوع: رد: الفرق بين باباكى وجوزك الأربعاء 18 فبراير 2009, 2:58 pm | |
| كلهم بيقولوا كدة فى الاول وبعدين الكلام الحلو بيتغير هههههههههههههههههههههههههههههههههههههههههههههههههههههههههههههه | |
|