scorpion2000
SPM
تاريخ الميلاد : 25/02/1989
العمر : 35
كنيسة : السيدة العذراء والبابا كيرلس
الوظيفة : طالب بكلية تجارة جامعة عين شمس
آيه احبها : كن مطمئن جداً جدا ولا تفكر فى الامر كثيراً بل دع الامر لمن بيدة الامر
شفيعي : البابا كيرلس
عدد الرسائل : 3599
تاريخ التسجيل : 22/11/2007
 |  موضوع: انا والكنتالوب وهواك لااسامه منير  الأحد 10 يناير 2010, 6:49 pm | |
| انا و البطيخ و هواك ..برنامج...للحب..و عن الحب
مع اسامة منير
الحب
ذللك الحب السهلبيسى الذى يزعزغ عقول البشر
و يهشك قلوبهم
مستميعينا لسة بنتكلم عن الحب و حلقتنا النهاردة عن
الاستهبال فى الحب
معاكم اسامة منير عاى نجوم fm مزيكا على كيف كيفك
فى ..انا و البطيخ و هواك
من دلوقتى ولمدة ساعتين
مستنين تليفوناتكم على 6066
او على 85555022
او على ايميل البرنامج
على هواك ات نيل راديو بروداكشن دووت كووم
برعاية ابليس كومبانى وان تاتش و كريمات زحلقها
دايما بتمر بينا اوقات بنحس فيها اننا مش قادرين نعيش فيها من غيرالحب ولا الحبيب
و الشعور دا متولد ومنبسق من الاحساس التواجدى الكونى فى اللامركزية العصبية للقلب
و دايما بتقا بلنا مواقف كلها استهبال فى الحب
و يا ترى بنعمل ايه ورد فعلنا بيكون ايه لما نقابل حد بيستهبل فى الحب
و خصوصا اننا جيل موبيلات وانتوا عارفين انا عندى 16 سنة فحاسس بيكم وبكل مشاكل الجيل كلها.....
الرصيداللى بيخلصفى يوم وانت لسة شاحن كارت ب 100و تفضل تحرق فى دقايق على
حبيبتك وفى الاخر لما الرصيد يقرب يخلص تقولها بحبك..
بحبك
تقوللك انت بتستهبل يا حبيبى اتلم لساويرس يشوفنا
او حبيبتك اللى تفضل تكنسل عليك عشان استخسرت فيها كوزين درا على الكورنيش
وانت اصلا مفلس مش لاقى تاكل ولما تيجى تصالحها على الموبايل تلاقيها بتكنسل....
فتضطر تصالحها بكارت ب5 و تستهبل.... تلاقيها بتصرخ فى وشك و تقول
انت بتستهبل
اقل من 200 متورينيش وشك
و حبيبك اللى بيجى فى اوقات يعمل فيها عالم فللك و يقوللك انا بقرا الكف
و يفضل يمسك فى كف ايدك ولا كانه شاف ايدين قبل كدا
وفى الاخر تقوليله
انت بتستهبل...... حد يشوفنا
وانتوا اصلا قاعدين فى الشارع
مستمعينا الاستهبال فى الحب بتمر بكل المهاطيل و المهابيل من ابناء الجيل ولو مستخدمناش
عقلنا فى الاستهبال بيقلب عباطة
وممكن مغص كلوى
مستمعينا مستنى تليفوناتكم على 6066
نستقبل اول اتصال تليفونى و نقول الو
الو
الوو
الوووو
واضح ان الخط قطع
الوو ايوه يا اسامة
نتعرف بيكى
بسمة من بنها
اهلا يا بسمة ياريت تعلى صوتك شوية
معلش يا اسامة انا بتكلم من تحت البطانية
مفهوم طبعا عشان محدش يقفشك وانتى بتتكلمى
بسمة بنتكلم ............ النها ردة عن الاستهبال فى الحب....تقدرى تقوليلىيعنى ايه الاستهبال فى الحب
و بيمثل لك ايه...
بص يا اسامة اولا انا بموت جداا فى البرنامج بتاعك والله مش بفوت حلقة
و سلملى على الشقى الحكروت موت موت حتومة و قوله انه لذيذ اووووى
هو بيضحك وفاتح بقه زى .... هوه و بيقوللك
ميرسى ليكى يا بسمة
يا اسامة انا بكلمك عشان الحلقة بتاعتك النهاردة مخصوص يشانى
انا كنت بحب واحد فى 2 ابتدائى و فضلنا نحب بعض للجامعة
جميل
اهدى اهدى اهدى
قوليلى ايه اللى حصل
يا اسامة اخد كل حاجة كل حاجة
حتى الموبايل
بصى يا بسمة
الحب شعور متبادل بين اثنين
مينفعش طرف واحد من غير الطرف الاخر ولازم الاثنين يكونوا متفاهمين و متعاونين
هو دا الحب اللى هيدوم طول العمر وبكدا نحل كل المشاكل اللى بتقابلنا حنى مشكلة غسيل الالوان مع الابيض..... لان
تايد برغوته الجديدة حل المشكلة
مستميعينا نسينا نقول ان تايد من رعاة البرنامج
مع تايد فى الغسيل مفيش مستحيل....
بشكرك يا بسمة على اتصالك وبهديللك اغنية السوبر ستار عمرو دياب
يا قاعدة على الترعة و بتغسلى المواعين
جاتك ستين وكسة دا شكلك بقى فى الطين
نص ساعة اعلانلت
عندنا اس ام اس كتيررررر جدا النهاردة
هاى يا اسامة يا احلى واجمل صوت فى الكون
ارجوك يا اسامة قول لنجاتى انه مهما دور على حد ممكن يحبه و يسامحه و يغفر له كل حاجة
مش هيلاقى غيرى لانى بحبه بصدق ومش عاوزة منه اى حاجة خالص
و هتنازل عن تمن الموبايل اللى ضربوا منى الشهر اللى الفات..
الوقت بيمر معاكوا بسرعة وقت حلقتنا انتهى و حاتم فرحان مش عارف ليه
. باين ابنت بتاعت الدرا حولت رصيد تانى
كان معاكوا اسامة منير على نجوم اف ام مزيكا على كيف كيفك
فى انا و الكنتالوب وهواك من 12 الى 2
بشكر كل اللى كلمنا واللى بعت اس ام اس
استنونا يوم الاحد فى نفس الميعاد قبل ساعتين من دلوقتى على نجوم fm
برعاية
ان تاتش
ماكدونالذ
اريال و تايد
كراسة الاول
| |
|
Roca Rota
GM
تاريخ الميلاد : 05/02/1984
العمر : 40
كنيسة : السيده العذراء مريم - الزيتون
الوظيفة : G.manager-Account Department of Customer
آيه احبها : أنصت يارب لكلماتي واسمع صراخي واستجيب لي
شفيعي : † البابا كيرلس † مارجرجس † † العذراء مريم †
البلد ( محافظة ) : القاهرة
عدد الرسائل : 2354
تاريخ التسجيل : 25/07/2007
| | موضوع: رد: انا والكنتالوب وهواك لااسامه منير الإثنين 11 يناير 2010, 10:11 am | |
| - scorpion2000 كتب:
انا و البطيخ و هواك ..برنامج...للحب..و عن الحب
ارجوك يا اسامة قول لنجاتى انه مهما دور على حد ممكن يحبه و يسامحه و يغفر له كل حاجة
مش هيلاقى غيرى لانى بحبه بصدق ومش عاوزة منه اى حاجة خالص
و هتنازل عن تمن الموبايل اللى ضربوا منى الشهر اللى الفات..
دمه خفيف اوي الموضوع ده | |
|
scorpion2000
SPM
تاريخ الميلاد : 25/02/1989
العمر : 35
كنيسة : السيدة العذراء والبابا كيرلس
الوظيفة : طالب بكلية تجارة جامعة عين شمس
آيه احبها : كن مطمئن جداً جدا ولا تفكر فى الامر كثيراً بل دع الامر لمن بيدة الامر
شفيعي : البابا كيرلس
عدد الرسائل : 3599
تاريخ التسجيل : 22/11/2007
| | موضوع: رد: انا والكنتالوب وهواك لااسامه منير الإثنين 11 يناير 2010, 9:52 pm | |
| ميرسى روكا شرفت الموضوع بردك الجميل | |
|
