حريق بدير الملاك ميخائيل بجبل سوهاج الشرقي

حريق بدير الملاك ميخائيل بجبل سوهاج الشرقي

كتب: أحد أبناء قرية الكشح

2 بؤونة 1724 للشهداء - 9 يونيو 2008 ميلادية

دير الملاك ميخائيل بالجبل الشرقي
شب حريق بدير الملاك ميخائيل بالجبل الشرقي التابع لمركز دار السلام سوهاج والذي يبعد عن قرية الكشح حوالي 15 كيلو متر مربع ، مساء الخميس 5/6/2008م الساعة الحادية عشر والنصف مساءاً واستمر الحريق حتى الثالثة من فجر يوم الجمعة 6/6 وكانت الخسائر ضخمه جداً إذ بدء الحريق والآباء الرهبان وكل الناس نيام حيث اشتعل الدور الثاني من المبنى المواجهة لكنائس الدير واحرق مجموعة غرف بها سراير ومراتب وعدد من الديب فريزر والثلاجات ومخزن كبير يحتوى على كتب كثيرة جداً للمكتبة وشرائط الكاسيت و cd ........ تقدر بحوالى مائتي ألف جنيه وغرفه أخرى كانت مخزن للحبوب والغلال والزيوت وكل خزين الدير ، ومزرعة للدواجن فيها ألف وخمسمائة دجاجه تقريباً بخلاف أبراج الحمام ، وانحدر لهيب النار إلى الدور الارضى حيث مزار المتنيح الأنبا مينا مطران كرسي جرجا ولم يبقى فى المزار شئ إلا واحترق .

وصلت أربع سيارات مطافي إلى الدير وكانت المفاجأة انه لا يوجد فيها ماء ولم تتم عملية الإطفاء والحريق يزداد حتى وصل مفتش امن الدولة من سوهاج الذى حرك سيارات الإطفاء وتم إخماد الحريق بعد دمار كل ما ذكرناه ، وخرجت البيانات من القيادات الامنيه فى المنطقة تقول بأن سبب الحريق ماس كهربائي نتيجة توصيلات خاطئه وأسلاك عارية وضغط وتحميل من أجهزة التكييف عالية القدرة. ويقول أباء الدير بأن هذا الكلام غير منطقي وغير صحيح . وان هذا الحريق وراءه فاعل حيث توجد حارة من الجهة البحرية للدير وهذه الغرف من الخشب وغالباً تم إلقاء كورة من القماش مبلله بمواد مثل البنزين أو السولار ومشتعلة بالنار أعلى سقف الغرف المصنوع من الخشب مما سهل عملية الحريق ، واحرق أيضا منزل لمواطن مسيحي يسكن بجوار الدير.

وهذا ملخص سريع لهذا الحريق ونطلب من الله أن يكشف لنا غموض وفاعل هذا الحريق لان هذه الأحداث تسمع فى المنطقة كلها والتي مازالت أحداث الكشح التاريخية مؤثره فيها نظراً لموقف الشرطة العدائى لأقباط الكشح وتغيير الحقائق . وجعل البرئ مذنب والمذنب برئ يمشى حراً فخوراً بما فعله من جرائم .

انا مش عارفه اقول ايه ياروكا غير ان ربنا موجود

يارب ارحمنا ..............

دا كله حرام اللي حصل في دير ابو فانا وقالوا نزاع علي ارض

ودلوقتي حريق وقالوا ماس كهربائي والجواهرجي اللي في

الزيتون والاسكندريه والاتوبيس اللي كانوا كله مسيحين ومات

فيه 12 مسيحي بسبب عربيه نص نقل من غير ارقام وقالوا ده

حادث عادي وخطف البنات في المحله ولا ايه ولا ايه

حـــــــــــــــــرام كل اللي بيحصل ده

الواحد بيتخنق لما يشوف ويسمع الحاجات دي بس يرجع يقول

ربـــــــــــــــــــــــنا موجــــــــــــــــــود

ميرسي ياروكا وربنا يحافظ علي كل اولاده وبناته المسيحيين

ميرسى روكا على الموضوع

وربنا معانا ويحافظ علينا

وزى جوجو ماقالت

ربـــــــــــــــــــــــنا موجــــــــــــــــــود

مش عارفة اقول اية ولسانى بيعجز عن الكلام لما الواحد بيسمع الكلام دة

وكلام جوجو صح

ومفيش غير انى نقول ربنا موجود وقادر على كل شئ وعالم بالى بيجرى

ميرسى روكا على الموضوع وربنا مع الرهبان ويعوضهم ويكون معاهم

فعلا كلامك جميل

وعبارتكم بها أسى وحزن

ولكن لا ندع ثقتنا في الله تهتز مهما حدث

فهذا هو املنا الوحيد في هذة الحياه

" تركتكم خيراف وسط ذئاب"

ربنا يحافظ علينا جميعا وعلى اولاده

ويخفف على تعبنا واتهاضنا

صحيح يا jojo بس ايه بادنا نعمله غير ان ربنا موجود

بس فى حاجة ان احنا منستهلش ده

معملناش فيهم جاحة وحشة على مدار 1400 سنة من الساعة الشئومة اللى دخلوا فيها بلادنا

بس دى تجارب ربنا بعتهلنا علشان يشوف مين اللى بيحبه بجد

شكرا ليكو

شكرا ليك يا روكا

» عاجل حريق بكنيسة العذراء عزبة النخل
» عاجل اندلاع حريق ضخم فى مبنى مطرانية صربا المارونية ووفاة الكاهن بيار خويري
» الملاك الحارس ... وامنا الغالية تمــاف ايرينى