ادخل وشوف انت كده ولا لا وترد

بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ
والسياسة والكورة وهو أبيض ياورد

• بيحط الريموت كونترول في كيس بلاستيك كعادة فرعونية

• يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

• ييجي بعد معاده بساعتين ويفتكر إن ده عادي

• لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

• بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

• ممكن يعدي التلاتين ولسه عايش مع أمه وأبوه وماعندهومش مشكلة

• بيكون عنده شواية لزوم الرحلات أقصى استخدام لها كان مرة واحدة في العيد

• بيشيل طابع البريد من على الظرف لو الختم ماكانش عليه

• بيفتكر إن أي حد بيشتغل في الخليج بيغرف فلوس من غير حساب

• بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

• برده بيتخانق ساعة دفع الحساب بحرارة شديدة على إنه هو اللي لازم يدفع

• بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

يقف يتكلم على الباب نص ساعة بعد إنتهاء الزيارة والسلام

انا كده

هههههههههههههه ميرسى ايرينى

يقف يتكلم على الباب نص ساعة بعد إنتهاء الزيارة والسلام

بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

برده بيتخانق ساعة دفع الحساب بحرارة شديدة على إنه هو اللي لازم يدفع

انا كدة بس ساعات بطلع الاكياس واستخدمها انا بس عند اللزوم

ميرسى ايرينى ربنا يباركك موضوع حلو قوى

شكرا يا جماعه انا اللى عجبنى بتاعه الريموت

لية هو انتى بتعملى كدة اكيد صح

هههههههههههههههههههههه

قوالى عادى متتكسفيش مش مصرية يبقى عادى خالص

» ادخل بسرعه هتضحك من القلب
» انا اقدر اعرف رقم تليفونك لو مش مصدق ادخل
» ادخل قيس درجه حبك يلا بسرعه