الاغانى حرام ولا لا ؟ وهل هى صح ولا غلط ؟؟

الاغانى حرام ولا لا ؟ وهل هى صح ولا غلط ؟؟
بسم الثالوث القدوس

كتير اوى بنسأل نفسنا
أدام انا مبعملش - هل الاغانى حرام؟?????
- هل ربنا بيرفض الاغانى؟?????
- هو انا لما بسمع الاغانى يبقى كدة بعمل حاجة غلط؟؟؟؟؟؟
- هى الاغانى غلط لية دية كلها أحاسيس فيها أه يعنى غلط؟؟؟؟؟؟
- طيب ومالوا لما أسمع الاغانىحاجة غلط؟؟؟؟؟؟

- انا بسمع الاغانى دية عشان صوت اللى بيقلها حلو او عشان لحنها حلو أو...أو...أو... فيها أه غلط كدة يعنى؟؟؟؟؟؟؟

- ومالة لما أسمع ترانيم شوية وأسمع أغانى شوية ؟؟؟؟؟؟ أكيد كل اللى بيسمع الاغانى وبيرددها سأل نفسة سؤال او أكتر من الاسألة دية

بس
هل وصلنا لأجابة؟ هل عرفنا أة الصح وعملناة وأه الغلط ومعملنهوش؟ هل كنا ا ؤمناء مع أنفسنا فى الرد بنا وبين نفسنا؟
الأجابة هسبها لكل واحد ولو حتى بينة وبين نفسة
مع انى أتمنى نشارك بعض الأراء

بس قبل ما أسبكم فى حبة أيات كدة لازم نبقى عرفنها وعرفين معناها كويس

" كل الاشياء تحل لى ،ولكن ليس كل الاشياء تبنى " {1 كور 10 : 23 }
" ان لا تسلكوا فيما بعد كما يسلك سائر الامم ايضا ببطل ذهنهم " { افسس 4 : 17 }
" يا أبنى لا تسلك فى الطريق معهم امنع رجلك عن مسالكهم " { امثال 1 : 15 }
ألله خلقنا كائنات مفكرة وعاقلة تدرك مدى الصواب ومدى الخطأ ونستطيع التميز بين الاشياء التى تبنى والتى تهدم وهذا المقياس ليس من زواتنا ولكن بأسس كتابية وضعها الله لنا ومن خلالها نستطيع التميز بين الاشياء اللى تبنى والاشياء التى تهدم.

" عيشوا كما يحق لانجيل المسيح " { فى 1 : 27 }

" فكونوا متمثلين بالله كأولاد احباء " { افسس 5 : 1 }

" لتسلكوا كما يحق للرب،فى كل رضى، مثمرين فى كل عمل صالح " { كو 1 : 10 ]

أكيد باين فى الايات دية اوى مدى الاهتمام بحرصنا على صورتنا كأولاد لله وكحملة لأسمة أمام جميع العالم فلازم نحافظ اوى على الصورة دية لتمجيد أسمة.

" فكما قبلتم المسيح يسوع الرب اسلكوا فيه متأصلين ومبنيين " { كو 2 : 6 }

" ونامين فى معرفة الله " { كو 1 : 10 }

" لكي تكونوا بلا لوم و بسطاء اولادا لله بلا عيب في وسط جيل معوج و ملتو تضيئون بينهم كانوار في العالم "{ فى 2 : 15 }

وأخيرا اللى لازم نركز علية اننا نعمل اللى يقربنا من ربنا والحاجة اللى أكيدة وكلنا عرفنها ان الاغانى دية مش بتقرب من ربنا طبعا

" لتسكن فيكم كلمة المسيح بغنى ، وانتم بكل حكمة معلمون ومنذرون بعضكم بعضا ، بمزامير وتسابيح واغانى روحية ، بنعمة مترنمين فى قلوبكم للرب " { كولوسى 3 : 16 ]

واللى جة واضح وصريح فى الكتاب المقدس

أننا نتغنى بتراتيل روحية منذرين بعضك بعضا يعنى لازم نشجع بعض على الترنيم

وأخر حاجة اللى لازم ناخد بلنا منها اوى بقى

أن فى الاول والاخر الترنيم والتسبحة اللى أى واحد فينا بيطلعها دية فهو بيطلعها لربنا لربنا وبس ,

ولازم يكون الواحد بيصلى بيها من قلبة قبل ما يرنمها
عشان فى الاول والاخر الترانيم دية صلاة.

وشكرا ليكوا أخواتى الاحباء
وياريت بجد نعرف اراء بعضنا سواء اللى شايف ان الاغانى صح ومش غلط او غلط او حاجة عادية وانا سايب الموضوع لحرية ارائكوا ومناشتكم
وشكرا ليكوا

انا راى انى لما الواحد يسمع اغانى شوية مش حرام بس لازم يكون لوقت معين و نخصص وقت لترانيم يعنى ساعة لربك وساعة لقلبك

بس تعليق رأيي انا على ردك هيكون
ان انت كده بتشارك مع ربنا حاجات كتير
يعني ازاي اقول انا ياربي في حاجه هتشاركك معاك
المفروض ان ربنا ميكونش ليه شريك
وزمستني ردك عليا وتقولي ايه رايك في كلامي اوز اي عضو تاني
يشاركنا برأيه

انا بسمع اغانى ومش هقول انها حرام علشان فى المسيحية مفيش حاجة اسمها حرام ولكن فى حاجة اسمها كل الاشياء تحل لى ولكن ليست كل الاشياء توافق

وانا من رأيى ان الاغانى لا توافق لان اللى بيسمع اغانى اكيد فى وقت بتحرك جواه مشاعر والمشاعر دى ممكن تكبر وتوصل لحاجات اكيد مش هتكون صح

ومش ينفع نقول ساعة لقلبك وساعة لربك علشان مش نشبه الترانيم اللى لربنا يسوع المسيح بالاغانى اللى بتبعدنا عنه

دة رأيى

موضوع جميل اوى

ميرسى ياروكا

لا ازاي يا تينا مفيش حاجه اسمها حرام

ليه هو دين متعه ولا ايه

لا طبعا في حرام

يعني اي حد لو قتل هقوله ده حرام ولا ايه ؟؟

وشكرا يا تينا على ردك وتعليقك

انا اقصد الكلمة نفسها ياروكااا وعلى فكرة دة مش كلامى دة كلام ابونا

هو قال ان مفيش عندنا كلمة حرام لكن مكانها كلمة لا يليق

معلش يمكن انا مش عارفة اوصلك اللى انا عايزاه

لا تينا صح روكا انا كمان سمعت كده من ابونا

انه لا يلق مش حرام

وعن موضوع الاغاني

فعلا موضوع يحير احتي الصغيره ديما كانت تسالني

الاغاني حرام

انا راي

اني ممكن نسمع اغاني بس مش لدراجه الادمان

يعني بسمع عن ناس تقول اني لو في يوم مسمعوش

اغاني يبقي في اليوم حاجه مش مظبوطه

ده غلط بس لو اتسمعت الاغاني عادي

بطريقه عشوائيه اعتقده انه عادي

يليق بينا بس مع عدم ترديد الاغاني وحفظهاااااا

كلامك جميل يا مرمر شكرا ليكي خالص

تقريبا انت قربتينا من الحل النهائي للموضوع

او بمعنى اصح المفروض ان كلنا نجري على الترانيم والالحان ... الخ

ومعتقدش اننا المفروض نجري على الاغاني عشان نسمعها

ومفيش مانع فعلا ان ممكن نسمع الاغاني لكن بطريقه عشوائيه

فى الوقت اللى احنا فى دة هات واحد بيسمعش اغانى

عادى لما الواحد يسمع اغانى مفهاش حاجه غلط بس الغلط ان الواحد يحفظها ويقعد يرددها بدل ميحفظ ويردد الالحان والمزامير ولو الشخص اللى بيسمع الاغانى شايف انها مش بتبعده عن سماع الالحان يبقى يسمعها مفيش مشكله وفعلا يا ريمون مفيش حد دلوقتى مش بيسمع اغانى ده حتى الاطفال الصغيره بتسمع وبتكون حافظه الاغنيه

بس على فكره كلامكم جميل وكل حاجه

بس في ناس انا اعرفها شخصيا مش بيسمعوا اغاني خالص

وحاجات تانيه بس مش عايز ابعد عن الموضوع نفسه

بص يا روكا
انا شايف ان الاغانى عامة مش حاجة غلط بس هيا لا تليق باولاد المسيح
وبعدين بتخلى عواطفنا تتحرك بس مش ناحية ربنا والمفروض اننا طبعا عايزين نقرب من ربنا
انا رايى اننا ممكن نسمع اغانى بس فى بعض الاوقات زى ما بتقول مرمر لان فعلا مفيش حد مش بيسمع اغانى وانا طبعا اولكم انا بسمع اغانى اكيد بس الافضل اننا على طول نسمع ترانيم لانها بتقربنا اكتر من ربنا وبتحرك مشاعرنا ناحية ربنا

السوال ده كنت بساله لنفسي وكنت بشوف اي كتب تجاوبني علي السوال ده بس مكنتش مقتنعه بالاجابه بس اللي انا عارفه ان الاغاني دي ك
لام بتعبر عن مشاعر جوانا بس طبعا الاغاني الكويسه واظن مش حرام ان الواحد يعبرعن اللي جواه باي طريقه مش عارفه بس انا بحب اسمع الاغاني اللي بتعبر عن مشاعري

» حصريا الاصدار الاخير من المشغل الرائع لجمع امتدادات الافلام و الاغانى The KMPlayer بحجم 13.5 ميجا