لازم تضحك

موضوع: لازم تضحك الخميس 18 أكتوبر 2007, 10:55 pm

1_مره ولد شاف قطه صغيره فى الشارع قال لاخوه
الولد : انا هاخد القطه دى وأغسلها وأربيها
الاخ : لو غسلتها هتموت

وسابه الاخ ومشى ورجع بعد ساعتين لقى اخوه بيعيط

الاخ : مالك يا حماده ؟
الولد : القطه ماتت
الاخ : مش قولتلك لو غسلتها هتموت !
الولد : ماماتتش وانا بغسلها .. دى ماتت وانا بعصرها

2_مدرس بيسأل التلاميذ فى الفصل
المدرس : اللى شايف نفسه غبى يقوم يقف
بعد شويه وقف تلميذ
المدرس : وليه بقا يا سيدى شايف نفسك غبى ؟
التلميذ: اصلى محبتش اشوفك واقف لوحدك يا استاذ

3_الاستاذ : فى اى فصل يسقط المطر ؟
التلميذ: فى الفصل اللى مالوش سقف

4_التلميذ: بحبك يا أبله وعاوز اتجوزك
المدرسه : بس انا مش بحب الاولاد الصغيرين
التلميذ: وانا مش مستعجل على الاولاد

5_مره مدرس عربى بيملى التلاميذ
المدرس : " ذهب احمد الى حديقه الحيوان يوم الأربعاء "
التلميذ: الأربعاء بالهمزه على السطر ؟
المدرس : خلاص خليها الخميس

6_المدرس : ماهى انواع الاقمار ؟
التلميذ: قمر طبيعى _ قمر صناعى _ قمر الدين

7_المدرس : كم عمر ابوك ؟
التلميذ: والله مش عارف بس هو من زمان عندنا

8_مره طفل بلدياتنا راح للبقال
الطفل : عمو عندك الشيكولاته ام ربع جنيه ؟
البقال : ايوه عندى
الطفل : بكام ؟

9-طفل كل يوم يروح للبقال
فى اليوم الاول
الطفل : عندك جبنه يا عمو ؟
البقال : ايوه يابنى
الطفل : طيب هاتلى حلاوه
فى اليوم التانى
الطفل : عندك بيبسى يا عمو ؟
البقال : ايوه يابنى
الطفل : طيب هاتلى عصير
البقال زهق وراح يشتكى لوالد الطفل
الاب : متزعلش . المره اللى جايه اضربه .. عندك عصايه ؟
البقال : ايوه عندى
الاب : اديله قلمين

10_مره ولد بيسأل امه وهى حامل
الولد : ايه ده يا ماما
الام : ده اخوك يا حماده
تانى يوم الولد راح المدرسه
المدرسه بتسأله : انت ليك اخوات ؟
الولد : كان ليا بس ماما بلعته

11_بنت بتسأل امها
البنت : هو بابا بيعوم يا ماما ؟
الام : بتسألى ليه يا حبيبتى ؟
البنت : اصلى سمعت بابا بيقول للشغاله انا غرقان فى حبك

12_طفل بيسأل ابوه
الطفل : بابا هى البيضه بتمشى ؟
الاب : لأ
الطفل : طيب اشمعنه انت لما تيجى تنادى على ماما تقولها تعاليلى يا بيضه ؟

13_اب شاف ابنه قاعد لوحده سرحان ... فسأله
الاب : مالك يابنى ؟
الابن : عندى مشكله كبيره اوى يا بابا
العيال اللى قدى اللى بلعب معاهم دلوقتى لما يكبروا
هلعب مع مين !

14_واحد عصبى اتجوز واحده عصبيه يوم الولاده
الولد قال للدكتور : وسع انت .. أبعد .. ملكش دعوه بيا .. انا هنزل لوحدى

15_واحد بيستهبل اتجوز واحده بتستهبل خلفوا ولد نزل عمل نفسه ميت

16_واحد اسمر اوى اتجوز واحده سمره اوى خلفوا ولد ابيض اوى
سموه مش ممكن

17_واحد كريم اوى اتجوز واحده كريمه اوى خلفوا ولد
ادوه للجيران

18_واحد ندل وصى ولاده وهو فى غرفه الانعاش يكونوا اندل منه
فصلوا عنه جهاز الاكسجين

موضوع: رد: لازم تضحك الجمعة 19 أكتوبر 2007, 1:44 am

هههههههههههههههههههههههههههههههههههههة حلوة اوى ياsunny girl

موضوع: رد: لازم تضحك الجمعة 19 أكتوبر 2007, 10:35 am

ميرسى ريمون لردك الجميل

موضوع: رد: لازم تضحك الجمعة 02 نوفمبر 2007, 10:31 pm

هههههههههههههههههههههههههههههههههههههههههههههههههههههه

موضوع: رد: لازم تضحك الجمعة 02 نوفمبر 2007, 10:35 pm

جميلة اوى يا سنى جيرل

هههههههههههههههههههههههههه

لذيذة اوى النكت دى

احسن واحدة بتاع الاستاذ والتلميذ الغبى

ههههههههههههههههههههههههههه

موضوع: رد: لازم تضحك الجمعة 16 نوفمبر 2007, 11:17 pm

ميرسى loltota على ردك ومرورك

موضوع: رد: لازم تضحك الجمعة 16 نوفمبر 2007, 11:18 pm

ميرسى brave soldier على ردك الجميل وانا مبسوطه ان النكت عجبتك

موضوع: رد: لازم تضحك الأربعاء 09 أبريل 2008, 8:06 pm

بجد لازم اضحك حلوين قوى

ميرسى نوسا على ردك والحمد لله انك ضحكتى

» لازم اقابل بابا يسوع
» اعطني 40 ثانية وانا هخليك تضحك علي نفسك
» مش راضى تضحك مهو هتضحك يعنى هتضحك